چار بیٹے اور دو بیٹیوں میں وراثت کیسے تقسیم ہوگی؟
4 BETE AUR 2 BETIYON MEN WARASAT KAISE TAQSEEN HOGI?
4 बेटे और दो बेटियों में वरासत कैसे तक़्सीम होगी?
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرح متین مسئلہ ذیل کے بارے میں کہ زید کے چار بیٹے دو بیٹیاں ہیں اور زمین اکیس بیگھہ ہے زید کا اور زیدکی بیوی کا انتقال ہوگیا دریافت طلب امر یہ ہے کہ چار بیٹوں اور دو بیٹیوں کے درمیان اکیس بیگھہ زمین کیسے بانٹی جائے گی ؟
(السائل : محمد خبیب القادری مدناپور شیش گڑھ بریلی شریف یوپی)
و علیکم السلام و رحمۃ اللہ و برکاتہ
الجواب
والدین کے مرنے کے بعد ان کی منقولہ و غیر منقولہ ساری جائداد بعد تقدیم ما تقدم على الارث یوں تقسیم ہوگی کل جائداد کے دس حصے کئے جائیں گے جن میں سے ہر ایک لڑکے کو دو حصہ اور لڑکی کو ایک حصہ دیا جائے گا جیسا کہ خدائے تعالی کا ارشاد ہے:
یُوۡصِیۡکُمُ اللّٰہُ فِیۡۤ اَوۡلَادِکُمۡ ٭ لِلذَّکَرِ مِثۡلُ حَظِّ الۡاُنۡثَیَیۡنِ
📗✒پ 4 سورۃ النساء آیت مبارکہ 11
: اللہ تمہیں حکم دیتا ہے تمہاری اولاد کے بارے میں بیٹے کا حصہ دو بیٹیوں کے برابر ہے-
فتاوی عالمگیری مع بزازیہ میں ہے
” اذا اختلط البنون و البنات عصب البنون البنات فيكون للابن مثل حظ الانثیين كذا في التبيین
فتاوی عالمگیری مع بزازیہ ج 6ص 448
ممذکورہ بالا حکم کے مطابق ہر ایک لڑکے کو ۴.۲ بیگھہ زمین ملے گی اور ایک ایک لڑکی کو ۲.۱ بیگھہ زمین ملے گی
لہذا اسی اعتبار سے والدین کی جائداد کو بتائے ہوئے طریقے پر ماہرین امین سے تقسیم کرالیں
_****************************************
*(🌺واللہ اعلم بالصواب🌺)*
_****************************************_
*✍ کتبہ: جلال الدین احمد امجدی رضوی نعیمی ارشدی خادم جامعہ گلشن فاطمہ للبنات پیپل گاؤں نائیگاؤں ضلع ناندیڑ مہاراشٹر الھند
*( موبائل نمبر 📞8390418344📱)*
_*************************************
🍁🍁🍁🍁🍁🍁🍁🍁🍁🍁🍁