کیا حضور صلی اللہ علیہ وسلم کے جسم مبارک سے لگا ہوا حصہ کعبہ شریف سے افضل ہے؟
مسئلہ:
از سیّد محمد اختر چشتی آستانۂ عالیہ صمدیہ پھپھوند شریف۔ ضلع اٹاوہ (یو-پی)
کیا یہ عقیدہ حق ہے کہ حضور صلی اللہ علیہ وسلم کے جسم مبارک سے زمین کا جو حصہ لگا ہوا ہے وہ کعبہ شریف سے افضل ہے؟
الجواب:
سرکار اقدس صلی اللہ علیہ وسلم کے جسم انور سے زمین کا جو حصہ لگا ہوا ہے وہ کعبہ شریف سے بلکہ عرش و کرسی سے بھی افضل ہے۔ بے شک یہ عقیدہ حق ہے اعلیٰ حضرت امام احمد رضا خاں بریلوی علیہ الرحمۃ والرضوان تحریر فرماتے ہیں: تربت اطہر یعنی وہ زمین کہ جسم انور سے متصل ہے کعبہ شریف بلکہ عرش سے بھی افضل ہے۔
(فتاویٰ رضویہ جلد چہارم ص ۶۸۷)
اور درمختار مع شامی جلد دوم ص ۲۵۷ میں ہے:
ماضم اعضاء ہ علیہ الصلاۃ والسلام فانہ افضل مطلقا حتی من الکعبۃ والعرش والکرسی اھ
وھو تعالٰی اعلم۔
کتبہ:
جلال الدین احمد الامجدی
(فتاوی فیض الرسول،ج:۱،ص:۱۱)
ناشر:
جلال الدین احمد امجدی نعیمی ارشدی خادم جامعہ گلشن فاطمہ للبنات پیپل گاؤں نائیگاؤں ضلع ناندیڑ مہاراشٹر الھند